ബെംഗളൂരു: ഓൾഡ് എയർപോർട്ട് റോഡിലെ ഗതാഗത പ്രശ്‌നങ്ങൾ പരിഹരിക്കുന്നതിനായി, മാറത്തഹള്ളിയിലെ ഔട്ടർ റിംഗ് റോഡിന് സമാന്തരമായ റെയിൽവേ പാലത്തിൽ 6 കോടി രൂപ ചെലവിൽ ബൃഹത് ബെംഗളൂരു മഹാനഗര പാലികെ അടിപ്പാത നിർമിക്കുന്നു. നിർണായകമായ അടിപ്പാത പദ്ധതി കുണ്ടലഹള്ളിയിലും ഓൾഡ് എയർപോർട്ട് റോഡിലും ഗതാഗതം സുഗമമാക്കുമെന്നാണ് പ്രതീക്ഷിക്കുന്നത്. പദ്ധതി മൂലം 20-30 ദിവസത്തേക്ക് ഗതാഗതം തടസ്സപ്പെടുമെന്നതിനാൽ പൊതുജനങ്ങൾ സഹകരിക്കണമെന്ന് ട്രാഫിക് വകുപ്പ് അഭ്യർത്ഥിച്ചു.
അടിപ്പാത നിർമാണം നടക്കുന്നത് മൂലം നിലവിൽ വാഹനമോടിക്കുന്നവർ ഒന്നര കിലോമീറ്റർ യാത്ര ചെയ്ത് യു-ടേൺ എടുത്ത് മൂന്നേക്കോളലിലേക്കും മറ്റ് പ്രദേശങ്ങളിലേക്കും എത്താൻ നിർബന്ധിതരാകുന്നു.
അണ്ടർപാസ് പൂർത്തിയായാൽ, മാറത്തഹള്ളി ജംഗ്ഷനിൽ നിന്ന് 200 മീറ്റർ അകലെ വാഹനങ്ങൾക്ക് ഇത് ഉപയോഗിക്കാം. ഒരു വശം പണി പൂർത്തിയാകുകയും ഒരു പ്രധാന കാരിയേജ്‌വേ വാഹനമോടിക്കുന്നവർക്കായി തുറന്നിരിക്കുകയും ചെയ്‌തതിനാൽ, ഈ ഭാഗത്ത് ഗതാഗതം മന്ദഗതിയിലാകുമെന്ന് ട്രാഫിക് വിഭാഗം സൂചന നൽകി. 20 ദിവസത്തേക്ക് വാഹനയാത്രക്കാർക്ക് അസൗകര്യം നേരിടേണ്ടിവരുമെന്ന് ട്രാഫിക് കമ്മീഷണർ ട്വീറ്റ് ചെയ്തപ്പോൾ, അണ്ടർപാസ് പണി പൂർത്തിയാകാൻ 30 ദിവസമെടുക്കുമെന്ന് ബിബിഎംപി എഞ്ചിനീയർമാർ പറഞ്ഞു.
ഒരു ആരാധനാലയം ഭൂമി വിട്ടുനൽകാൻ മടിക്കുന്നതിനാൽ പാലികെ ഭൂമി ഏറ്റെടുക്കൽ പ്രശ്‌നങ്ങൾ നേരിട്ടിരുന്നു. എന്നാൽ, മഹാദേവപുര എംഎൽഎ അരവിന്ദ് ലിംബാവലി ഇടപെട്ട് പ്രശ്നം ഒതുക്കി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
